Shugaban Najeriya, Bola Tinubu ya tabbatar da Farfesa Abdullahi Yusuf Ribadu, a matsayin sabon shugaban hukumar kula da jami’o’i ta kasa (NUC).
Gwamnati ta sanar da nadin a cikin wata sanarwa da kakakin shugaban kasa, Bayo Onanuga ya fitar a ranar Juma’a.
Kafin nadinsa, Farfesa Ribadu, ya taba rike kujerar shugaban jami’ar fasaha ta tarayya Yola da jami’ar Sule Lamido a jihar Jigawa.
Shugaba Tinubu ya kuma nada shugaban jami’ar Al-Istiqamah da ke Kano, Farfesa Salisu Shehu a matsayin shugaban majalisar binciken ilimi da ci gaba ta Najeriya, NERDC.
